AGRONOVO naceu no ano 2003 tras detectar que había unha demanda de información e asesoramento en produción ecolóxica por parte dos produtores. Deste xeito AGRONOVO é a primeira asesoría especializada en produción ecolóxica de Galicia.



Naquel primeiro ano, recibimos o premio FUNDACIÓN CEL na categoría de creación de empresas por universitarios.

O noso ámbito de actuación céntrase na agricultura e gandería de produción ecolóxica, sen esquecernos de outros traballos de produción convencional. Buscamos, dende a perspectiva da agricultura e gandería ecolóxica, aumentar a rendibilidade das explotacións, cooperativas ou outras formas societarias.

Agricultura ecolóxica é un sistema de produción agraria que busca obter alimentos, tanto de orixe animal como vexetal, respectando o medio ambiente, e conservando a fertilidade ó utilizar de forma óptima os recursos, sen o emprego de produtos químicos de síntese nin organismos modificados xenéticamente e coa máxima calidade nutritiva e organoléptica.

A demanda deste tipo de produtos é cada vez maior, dado que os consumidores buscan alimentos de alta calidade e ó mesmo tempo que respecten tanto o medio ambiente como a e eles mesmos. Esta demanda repercute nas orientacións produtivas de agricultores, gandeiros e industria elaboradora, aportando un valor engadido ós seus produtos.

En AGRONOVO creemos que a mellor forma de traballo é estar o máis preto posible dos nosos clientes, manténdoos informados de calquera novidade que lles poida ser útil e tentando que eles só teñan que preocuparse de producir. Temos comprobado que esta forma de traballo é a que máis se adapta aos nosos clientes debido ós continuos cambios que se producen na produción ecolóxica. Son eles, os nosos clientes, os que avalan o noso traballo coa súa confianza.

AGRONOVO conta cun equipo de enxeñeiros técnicos agrícolas preparados para aportar solucións a tódolos nosos clientes, con un gran espírito de traballo e sempre apostando pola produción ecolóxica e as accións respectuosas co medio.